മുരിഞ്ഞൂർ ശങ്കരൻപോറ്റി മുറിഞ്ഞൂറാത്തമുത്തൊടും
അറിഞ്ഞീടുന്നതിന്നൊന്നു പറഞ്ഞീടുന്നു ഞാനഹോ
ഉൾപ്പെട്ടീടുമൊരുന്നത പ്രമദമോ-
ടോമൽ സുധാസാരമാ-
മപ്പെറ്റിങ്ങനെ വീണിടുംപടി ഭവാൻ-
നിർമ്മിച്ചു നിശ്ചഞ്ചലം
കെല്പറ്റീടുമെനിക്കയച്ചൊരഴകേ-
റീടും കളിപ്പുസ്തകം
കയ്പറ്റീ കനിവോടു ഞാനതിനക-
ത്തുള്ളോരു കത്തും സഖേ!
കോട്ടം വിട്ടൊരു കോട്ടയം കഥകൾ നാ-
ലഞ്ചാതെ വഞ്ചീശ്വര-
ശ്രേഷ്ഠൻതന്നുടെ നാലു തമ്പിയുടെ മു-
ന്നൊന്നാക്കരീന്ദ്രന്റെയും
ആട്ടപ്പാട്ടിനമാണു മുമ്പിവകളോ-
ടും തന്നെ താനിയ്യിടെ
കൂട്ടിച്ചേര്‍ത്ത കുചേലവൃത്തകൃതിയ-
ങ്ങൊട്ടുക്കുമൊട്ടൊക്കുമേ