വാടീടാനിടവന്നിടാതെ നിജരാജ്യത്തെ ബ്ഭരിച്ചും ഗുണം
കൂടീടുന്നതിലേയ്ക്കു വേണ്ടൊരു പരിഷ്കാരങ്ങൾ ചെയ്തും സദാ
പാടേ പാര്‍ത്തലവാസികൾക്കു പരമാനന്ദം ജനിപ്പിച്ചുമീ
കേടറ്റീടിന മാടഭൂപതി ജയിക്കട്ടേ ജഗത്തിൽപരം.
എന്നാലിദ്ദിക്കിലിപ്പൊൾ കുതുകമൊടെഴു നെ
ള്ളീടുവാനായി യോഗം
വന്നിട്ടുള്ളൊരുകാര്യം മനമതിൽനിരുപി-
ച്ചിന്നു മാലോകരെല്ലാം
ഒന്നിച്ചാനന്ദമുൾക്കൊണ്ടായി തവ തിരുമൈ
കണ്ടു കൊണ്ടിണ്ടലെന്ന്യേ
നിന്നീടുന്നൂ ജനങ്ങൾക്കിനിയിതിലധികം
ഭാഗ്യമെന്തൊന്നു വേണ്ടു.
ഇക്കണ്ടാളുകൾ പണ്ടുപണ്ടു വളരെ
പ്പുണ്യങ്ങൾ ചെയ്തിട്ടതിൻ
നിൽക്കപ്പെട്ട ഫലങ്ങളാസകലവും
കൂടീട്ടിളാമണ്ഡലേ
ചൊൽക്കൊള്ളുന്ന ഭവൽസ്വരൂപമൊടു വ-
ന്നിപ്പോളഭീഷ്ടങ്ങളെ
ആക്കംപോലെ തരുന്നുവെന്നതുമറി-
ഞ്ഞിടുന്നു ധാത്രീപതേ!
അത്യഗ്രാതപമേറ്റുകൊണ്ടണയുമീ-
ധാത്രീസുരന്മാർക്കെഴും
ക്ഷുത്തും തൃഷ്ണയുമാശു പോക്കണമതെ
അൾത്താരിലോര്‍ത്താദരാൽ
പ്രത്യേകിച്ചൊരു കഞ്ഞിയത്ര വിധിയാം
വണ്ണം നടത്തുന്നതും
പാര്‍ത്താൽ പുണ്യമിതിങ്കൽ നിന്നു പരമായ്
ചെയ്യേണ്ടതുണ്ടോ ഭവാൻ.
മജിസ്ട്രേട്ടുകോർട്ടഞ്ചലാപ്പീസ്സുമിങ്ങീ
റജിസ്ട്രേഷനും സ്റ്റേഷനും വെച്ചപോലെ
നിജപ്പെട്ടൊരീ സ്കൂളുമാസ്പത്രിയുംതൻ
പ്രജാപാലനത്തിന്നു വെപ്പാനപേക്ഷ.