അയ്യയ്യാസിതരത്നതാതസദൃശൻഞാനെന്നഭിപ്രായമോ-
ടിയ്യൂഴത്തിലയച്ചു പദ്യമതുകണ്ടൊട്ടല്ലിനിയ്ക്കത്ഭുതം
ഇയ്യാമ്പാറ്റ പറക്കിലും ഗരുഡനോടൊത്തീടുമെന്നോതിയാല്‍
പൊയ്യാണെന്നുവരും ഭവാനതു വിശേഷിച്ചും വിചാരിക്കണം
കൂവമൂലം ഭവാനേവം ചേരാതോതിത്തുടങ്ങിയാൽ
പാരം ലോകർ ചിരിച്ചീടും പാരാതായതുമോര്‍ക്കണം
മേനികേറ്റുകിലെൻവാസം മാനത്താകും മഹാമതേ!
നൂനം പിന്നെപ്പതിച്ചീടുമൂനമപ്പോൾ വരും ദൃഢം.
നാടകമമ്പോടച്ചിൽ
പോടണമെന്നുണ്ടിനിയ്ക്കുമഭിലാഷം
പാടവമാർന്നഭവാനും-
കൂടിച്ചൊല്ലീടിലില്ല സന്ദേഹം.
ചിലവിനുവേണ്ടപണത്തെ
ച്ചിലരെന്നിൽ പ്രീതിയോടു തന്നീടും
അലയാതുടനേ കാര്യം
കലിതാനന്ദം നമുക്കു സാധിക്കാം.