അങ്ങുന്നെന്നെക്കുറിച്ചിട്ടഖിലകവിമണേ!
പത്രമദ്ധ്യത്തിലിപ്പോൾ
തിങ്ങും മോദേന ചേര്ത്തുള്ളൊരു കൃതിയതു ഞാൻ
കണ്ടു കൊണ്ടാടി പാരം
തുംഗശ്രീമൻ ഭവദ്ദർശനമതിനുപെരു-
ത്താശയുണ്ടാശയത്തിൽ
ഭംഗിക്കോതുന്ന വാക്കല്ലറിയുകസുമഹൽ-
ഭാഗ്യസൌഭാഗ്യരാശേ!
എന്നല്ലിനിയ്ക്കയി ഭവച്ചരിതങ്ങളെല്ലാം
നന്നായ് ധരിപ്പതിനുമാഗ്രഹമുണ്ടു പാരം
ഒന്നിച്ചു പദ്യഗണമാക്കി ജവേന കാട്ടി-
ത്തന്നീടണം തരമൊടായതു മായമെന്യേ