ബന്ധുത്വത്തിനൊരൂനമില്ല കവിതാമാര്‍ഗ്ഗം മറന്നീലഞാ-
നന്ധാളിത്വവു മില്ലിനിയ്ക്കു മറുകത്തേകേണ്ടകാര്യങ്ങളിൽ
ചിന്തിച്ചാലവിടുന്നു തീര്‍ക്കുമതുപോലത്യന്ത വേഗത്തോടി-
ങ്ങെന്തോ പദ്യമുദിപ്പതില്ലതുവശാൽ പറ്റുന്നതെറ്റാണിത്
കുണ്ടാമണ്ടികുറച്ചല്ല രണ്ടാം സര്‍ഗ്ഗത്തിലോര്‍ക്കുകിൽ
ഉണ്ടാകില്ലര്‍ത്ഥമെന്നിട്ടു വേണ്ടേ തര്‍ജ്ജമ ചെയ്യുവാൻ
ഇനിക്കുഴിഞ്ഞിട്ടൊരു ഭാഗമേറ്റം
കനത്ത ദിക്കാണതിനെന്തുചെയ്യാം
അനര്‍ത്ഥമായ് തീർന്നു ഭവാനുമല്പം
മനസ്സുവെക്കേണമിതിങ്കലും മേ.
തീര്‍ത്ത നാടകമതിന്റെ ഗുണാഗുണം
പേര്‍ത്തു സജ്ജനമുരച്ചുകേൾക്കുവാൻ
ആര്‍ത്തി പാരമതു കേട്ടതിന്നു മേ-
ലോര്‍ത്തു നാടകമിനിൿകൃതിച്ചിടാം.