മുടിയിൽ മുറിനിശേശൻ, കണ്ണിലെന്നും ഹുതാശൻ,
കടിതടമതിലാനത്തോലിതെല്ലാമണിഞ്ഞോൻ
മടിയിലനിശമേന്തും മാമലപ്പെൺകിടാവി-
നടിയിണ നിഖിലം തേ വാഞ്ചിതം തന്നിടട്ടേ. 1
ഞാനന്നാസ്സംഗമേശോത്സവധൃതിയിൽ മഹാ-
ജോലികൂടും ഭവാനെ
സ്ഥാനം തേടിത്തിരഞ്ഞങ്ങരികിലൊരുദിനം
വന്നുകണ്ടൊന്നു രണ്ടു്
മാനം കൂടുന്ന പദ്യം മധുരതയൊടു കേ-
ട്ടാസ്വദിച്ചില്ലതിന്നാ-
യേനംവന്നില്ലയെന്നേ കവിവര! പറയാ-
ന്നുള്ളു; കാണാമടുത്തു്.