കേസി കേശവപ്പിള്ള

സ്തുതികൾ-1. പാര്‍വതി

ഗരളസ്പര്‍ശനമൂലം
കരളിൽ ബോധം നശിച്ചുവെന്നോണം
ഹരകണ്ഠഗ്രഹണരസാൽ
പരമീലിതമിഴി! തുണയ്ക്കു ശര്‍വാണി!
കചകുടിലതയും, ലതയും
തൊഴുമുടലും, ശംഭുചിത്തമുലയും മുലയും,
പങ്കജമിഴിയും മിഴിയും,
വാര്‍വതി! വന്ദേ തവാഘമൊഴിയും മൊഴിയും.
വിഷം കുടിച്ചുള്ളൊരു ശൂലിയിങ്കൽ
യാതൊന്നു മൃത്യഞ്ജയഭാവമേകി
അപര്‍ണ്ണയായ് പാര്‍വതിയാകിയോര-
മ്മഹൌഷധിക്കായനിശം നമിക്കാം.