സന്തോഷാംഭോധിവീചീനിരകളിലിളകി-
ത്തുള്ളവിൻ നാട്ടുകാരേ!
ചിന്തോദഗ്രാനലജ്വാലയിലെരിയുകിലും
സര്‍വ്വവും വിസ്മരിപ്പിൻ
എന്തോതാം പഞ്ചമൻ ജോര്‍ജ്ജവനിപനെഴുന-
ള്ളുന്നുതേ; തൃക്കടാക്ഷ-
ബ്ബന്താവസ്തിട്ടു പാലിച്ചിടുവതിനഖിലേ-
ശങ്കലിര്‍ത്ഥിച്ചുകൊൾവിൻ. 1

രണ്ടാളാംഗ്ലേയരിബ്ഭാരതമഹിതമഹീ-
ചക്രവർത്തിത്വമാർന്നാ,-
രുണ്ടായിട്ടില്ല ഡൽഹിപ്രഥിതപുരിയിൽവെ-
ച്ചുള്ള പട്ടാഭിഷേകം,
കണ്ടാലും പഞ്ചമൻര്‍ജോ‌ജ്ജവനിപനതിനി-
ന്നാദ്യയോഗം ലഭിച്ചൂ:
കൊണ്ടാടും ചക്രവര്‍ത്തിത്തിരുവടിയെയിതിൻ-
മൂലമായ് മേലിലെന്നും. 2

പാരാവാരം കടന്നിട്ടനവധിവഴി ദൂ-
രത്തു തന്വംഗിയാകു-
ന്നാ രാജ്ഞീമൗലിയൊന്നിച്ചതികുതുകമെഴു-
ന്നെള്ളുവാനുള്ള മൂലം
നേരായോര്‍ത്തീടിലാത്മപ്രജകളിൽ വിലസും
ഭൂരിവാത്സല്യസത്താ-
ണീരാജ്യക്കാര്‍ക്കു പൂര്‍വ്വാധികമിതിലുളവാം
രാജഭക്തിപ്രകര്‍ഷം. 3