ഉളളത്തിലേറുന്നവിചാരമെല്ലാം
കൊള്ളിക്കൊലാനീതവഭാഷണത്തിൽ;
കൊള്ളാത്തചിന്തയ്ക്കനുകൂലനായി-
ത്തുള്ളാൻതുനിഞ്ഞീടരുതൊന്നുകൊണ്ടും.

സ്നേഹിച്ചുവാണീടുകസർവ്വരേയും
സ്നേഹത്തിൽനീചത്വമുദിച്ചിടൊല്ലാ;
സ്നേഹാതിരേകത്തിനുപാത്രമാകും
ദേഹംപരീക്ഷാതതിയാൽഗ്രഹിയ്ക്ക.

പരീക്ഷണംചെയ്തുവരിച്ചസഖ്യം
ധരിയ്ക്കഗാഢംദൃഢമായ്‍മനസ്സിൽ;
ഓരോനവസ്നിഗ്ദ്ധരിലുംപരംസൽ-
കാരങ്ങൾചെയ്തിട്ടുപരുങ്ങിടൊല്ലാ

കുടുങ്ങൊലാശണ്ഠയിലൊന്നിലുംനീ
കുടുങ്ങിയാൽപിന്നെമടങ്ങിടൊല്ലാ;
ശ്രവിയ്ക്കനിശ്ശേഷജനോക്തിയേയും
വചിയ്ക്കപാരംമിതമായിമാത്രം.

ഓരോജനംശാസനയായിനിന്നോ-
ടോതുന്നതൊന്നും നിരസിച്ചടൊല്ലാ;
എന്നാൽസ്വകൃത്യങ്ങളശേഷവുംനീ
നന്നായ്‍വിചാരിച്ചുനടത്തിടേണം

ഉടുപ്പിലാഡംബരമേറിടൊല്ലാ;
വെടുപ്പിനുംകേടുവരുത്തിടൊല്ലാ;
ഉടുപ്പുകൊണ്ടാണൊരുവന്റെതത്ത്വം
പലപ്പോഴുംലോകർഗണിപ്പതോർക്ക

കടംഗ്രഹിച്ചീടരുതത്രയല്ലാ;
കടംകൊടുത്തീടുകയുംനിഷിദ്ധം;
കടംഗ്രഹിച്ചീടിൽനിജശ്രമത്തിൽ
സ്ഫുടംഭവിക്കുന്നിതുമന്ദഭാവം

കടംകൊടുത്തുള്ളധനത്തിനുണ്ടാം
പലപ്പൊഴുംഹാനികളത്രയല്ലാ;
കടത്തിനാലേസഖിയുംനശിക്കും;
കടംമഹാദുർഘടമേവനൂനം

ഇതോർക്കസർവോപരിസന്തതംനീ -
യിരിക്കയാത്മാവിനുസത്യവാനായ്;
എന്നാലൊരാൾക്കുംഭുവിദോഷിയാകാ-
തെന്നുംസുഖംപൂണ്ടുനിനക്കുവാഴാം.