കോടിലിംഗപുരാൽ 24-7-68
അസ്ത ഹിതായ ഹിവഃ ക്ഷിതിഭൃദ്വ-
ത്സ സുരഭാനവമോഹനവിദ്യാ
ശീതകരാങ്കുരച്ചുംബിതമൌലേഃ
സാ സുരദാ നവമോഹനവിദ്യയാ.
പ്രത്യപ്രൈഷി ഭവദ്വിലേഖനമനു-
പ്രേമപ്രകര്‍ഷാന്മയാ
പ്രത്യഗ്രപ്രണയപ്രസാധനപണഃ
പ്രാഗകലേഖസ്സഖേ
നോ ജാനീമഹി തം ത്വമാശ്വലമഗാ
ഭിഷ്ടളേതാഹോ പഥി
ശ്രീജാനേഃ പശുപാലബാലകുഹനാ
വൃത്തിഭടൈഃ സ്വീകൃതാ.
പ്രവൃത്തിമാത്രേപ്യ ന ചേൽ കഥം ത്വം
പ്രവൃത്തമൈത്രോപിച ജോഷമാസ്സേ
കിഞ്ച സ്വയം ഹന്ത മനോരമായൈ
കിഞ്ചിൽ കൃതിം താമപിനാർപ്പയേഥാഃ
യയാ മയാ സാര്‍ജ്ജുനരത്നവിപ്ര
പ്രയാണംശോച്യാ വിവൃതാ പ്രവൃത്തിഃ
യാം പ്രേഷയസ്വേതി മനോരമായൈ
ത്വം പ്രൈഷിഷി പ്രൌഢശുചാ വിശിഷ്യ
തിഷ്ഠതു താവദയം നൌ
ദുഃഖാകരണൗഷധം വിഷയഃ
പ്രതിപാദയാമി ചാന്യം
കഞ്ചന കാര്യം സമുദ്ദിശ്യ.
പാദായുധക്രോഡപദാങ്കിതേ പുരേ
യാഗാമിമാസിന്ഥസിനാമ്നി ഭാവിനീ
ഗന്തും ഭവന്താനുഗൃണന്തി താം സഭാം
കിന്താദൃശാനേകബുധാളിഭൂഷിതാം
താര്‍ത്തീയീകം സമാജം കവിതിലക! ഭവാൻ
മാനുഭൂൽ പൂർവ്വവൽ ഭോ-
സ്തന്ദ്രീനാഡിന്ധമത്വം ക്വ പുനരുപനമേ-
ദീദൃശഃ സൽപ്രസംഗഃ
കിഞ്ചൈതാദൃക്ഷം നാനാജനപദവിബുധ-
വ്രാതഭാക്ഷു പ്രവിഷ്ട-
സ്ത്വാദൃങ്നോചേദ്യതേത പ്രചുരമിഹ കഥം
കൈരളീ വൃദ്ധിമീയാൽ
പ്രയാണമാർഗ്ഗേ ന വിദൂരഏത-
ച്ഛ്രികോടിലിംഗാലയമിത്യപീഹ
വിലിഖ്യ ലേഖാദ്വിരമാമി പശ്ചാൽ
സുഹൃത്തമസ്ത്വത്ര ഭവാൻ പ്രമാണം.