എത്തീ താങ്കളയച്ചൊരു
കത്തെൻ കയ്ത്താരിലത്രയല്ലല്ലൊ
മൂത്തതുമൂലം മാമക-
ചിത്തത്തിങ്കൽ ജനിച്ചു നിസ്തുല്യം.
മിത്രമായിവരണം ഭവാനതെ-
ന്നത്രമാത്രമൊരു കാംക്ഷയുള്ളതു്,
പത്രമെത്തിയതു കണ്ടതിങ്കൽ വെ-
ച്ചെത്രയും സുബഹു തൃപ്തിയായി മേ
തീരാതേ ജോലിനോക്കുന്നതിനിടയിലിവൻ
ചാടിവീണിപ്രകാരം
പാരാതേ ബുദ്ധിമുട്ടിന്നൊരു വഴിയുളവാ-
ക്കുന്നതോര്‍ക്കുന്ന നേരം
പോരാതേയുള്ളതാണെങ്കിലുമിതഗുണാം-
ഭോനിധേ! തെല്ലുമെന്നിൽ
ചേരാതേ വിപ്രിയം ഞാനിതി മനസി സമാ-
ധാനമെന്നോര്‍ത്തിടുന്നു.
പാഠശാലകളിലെന്റെ നാടകം
പ്രൌഢനാകിയ ഭവാൻ മുഖാന്തരം
പാഠപുസ്തക നിലയ്ക്കെടുക്കുകിൽ
പാട്ടുപെട്ട ഫലമൊട്ടു കിട്ടി മേ.