കൊടുങ്ങല്ലൂര്‍ 1_1_77
വേണീനിവേശിതനിശാഹസിതൈകദേശം
ക്ഷോണീധരേന്ദ്രധനുഷസ്സുഖവാസദേശം
ഏണീവിലോലനയനം ഭജ രേ നിദേശം
വാണീഗുണായ നിഗമാന്തകൃതാതിദേശം
ഗണരാത്രഗണൈർവൃഥാഫലൈർ-
ബ്ബത ജോഷം ഗതമാവയോരിതി
ഗതകാര്യവിചിന്തനൈരലം
നനു യത്നോയമുദര്‍ക്ക ഏവ ഹി
അധിപാഠകശാലമീയുഷാ
വിധിവൽ പാഠകതാം ചിരായുഷാ
ഭവതാഽദൃതഹൂണവാൿതൃഷാ
സ്വവയസ്യാഃ കിമു വിസ്മൃതാ മൃഷാ
കവിതാപി ചിരോഷിതാ ത്വയി
പ്രവികീര്‍ണ്ണാ ജനതാനനോദരേ
കിമു സമ്പ്രതി ഖിദ്യതേ തമാം
കൃതമൂലോൽഖനനേവ വല്ലരീ?
വയമപ്യവിമുക്തതന്ദ്രിഭിഃ
കവിതാകര്‍മ്മപരിശ്രമോര്‍മ്മിഭിഃ
പ്രചലായിതചിത്തവൃത്തയഃ
ക്ഷപയാമോ ദിവസാനവൃത്തയഃ
അസ്താ തു "ഹിതോപദേശ" ഇ-
കാവ്യം കൃതമിത്യപി ശ്രുതം
പകല്പിതവീരശൃംഖലാ-
ബിരുദഖ്യാപിതദാക്ഷ്യവൈഭവാൽ!
അസ്ത്വേതദന്യദപി മേ
വസ്ത്വേകം പ്രശ്നവിഷയമധ്യാസ്തേ
"പേതാളപഞ്ചവിംശതി'
കഥാത്മകം പുസ്തകം കിമസ്തിവശേ?
യന്മുദ്രിതം കിമപി കേരളദേശഭാഷാ-
ഗദ്യൈരവദ്യരഹിതൈരിഹ ഹൃദ്യമദ്യ
കോളംബദേശവിപുലാപണമാത്രലഭ്യ-
മസ്തീത്യവൈമി കിമു ദൃഷ്ടമിദം ത്വയാപി?
യദ്യസ്തി ലഭ്യം മമ വി-പി -രീത്യാ
തൽ പ്രേഷണീയം ഭവതാഽചിരേണ
നോ ചേല്ലിഖൈതച്ച "ഹിതോപദേശ-
കര്‍ത്തഃ! പ്രസീദേത്തവ രാമവര്‍മ്മാ