ഒട്ടീടാർന്നുള്ളൊരോസ്ട്ര്യായൊടു സഹനിതരാം
മുഷ്കെഴുംതുർക്കിയേയും
കിട്ടീജർമ്മന്നിദാനീംപരമൊരുതുണയാ
യെങ്കിലും ശങ്കവേണ്ട,
ബ്രിട്ടീഷുംറഷ്യ,ജപ്പാനിവരുമൊരുനില
യ്ക്കൊത്തുചേർന്നെത്തിയാൽക്കീ
ഴ്പെട്ടീടാതാരുമില്ലിന്നിടിപൊടിതവിടാ
യീടുമാമൂഢരെല്ലാം

നാശം നാട്ടാർക്കുദിപ്പിപ്പതിനതിവിരുതു
ള്ളെംഡനീയിൻഡ്യപുക്കു
ദ്ദേശംസാധിച്ചുകൊണ്ടങ്ങനെചിലദിവസം
സഞ്ചരിച്ചഞ്ചിടാതെ
ക്ലേശംചെറ്റിങ്ങുചേർത്തെങ്കിലുമതുകടലിൽ
ത്താഴ്കയാലാകവേയി
ദ്ദേശംനിർബാധമായീനിഖിവുമിതുപോ
ലായ്‍വരുംദൈവയോഗാൽ

സത്താർന്നുള്ള മഹമ്മദീയരഖിലം
ബ്രിട്ടന്റെയിഷ്ടപ്പടി
ക്കൊത്താശയ്ക്കൊരുപോലൊരുങ്ങിമരുവീ
ടുന്നേരമിന്നീവിധം
സുൽത്താനെന്തിനുജർമ്മനിക്കിഹസഹാ
യിക്കാൻനിനയ്ക്കുന്നു?മേ
ലുൾത്താപംഫലമിക്കളിക്കുദൃഢമെ
ന്നല്ലാതെചൊല്ലാവതോ?

വല്ലാതാശുവളർന്നവൈരമതിനാൽ
വീറോടുയൂറോപ്പുകാ
രെല്ലാരുംപൊടിപാറ്റിടുന്നവലുതാം
യുദ്ധത്തിലിദ്ധാദരം
ചൊല്ലാളുന്നൊരുഭാരതീയഭടരും
ചെന്നെത്തിയിന്നാകയാൽ
ച്ചൊല്ലാം'ഭാരതയുദ്ധ'മെന്നതിനുപേ
രെന്നിങ്ങുതോന്നുന്നുമേ.

എന്തിന്നുംമതിതാനിതെന്നനിനവും,
ഗാംഗേയേസാഹായ്യവും,
പൊന്തിക്കേറിമുതിർന്നിടുന്നപടയും,
കർണ്ണപ്രമോദത്തിനായ്
പന്തിക്കൊത്തുപറഞ്ഞിടുംസചിവരും,
ദുശ്ശാസനപ്രൌഢിയും
ചിന്തിച്ചാലിഹജർമ്മനീശനനയൻ
ദുർയ്യോഗിദുര്യോധനൻ.

മർമ്മംനോക്കിച്ചതിക്കുന്നതിനതിവിരുതും
നോട്ടവുംധാർഷ്ട്യവുംദു
ഷ്ക്കർമ്മംചെയ്യുന്നതിങ്കൾക്കടുകിടമടിയി
ല്ലാത്തവല്ലാത്തമട്ടും
ധർമ്മപ്രധ്വംസനത്തിൽക്കൊതിയുമധികമായ്
ച്ചേർന്നൊരാദുർന്നയാഗ്ര്യൻ
ജർമ്മന്മന്ത്രിപ്രധാനൻകുമതിശകുനിതാ
നില്ലതിൽക്കില്ലുതെല്ലും

യുദ്ധത്തിൽശ്രദ്ധകൊണ്ടുംയുവനൃവഗതിയിൽ
ച്ചീർത്തൊരത്യാർത്തികൊണ്ടും
വൃദ്ധത്വംകൊണ്ടുമേറ്റംബലമുടയപട
ക്കൂട്ടമുണ്ടാകകൊണ്ടും
ബദ്ധക്ലേശംസഹിച്ചിങ്ങനെപടപൊരുതാ
നോർത്തിടുന്നോസ്ട്രിയേശൻ
ശുദ്ധപ്രായൻനിനച്ചാലവനിവിടെമഹാ
ധൂർത്തനാകുംത്രിഗർത്തൻ

ഉത്തുംഗാർജ്ജുനകീർത്തിയാണ്ടൊരതുല
ശ്രീഭീമസേനാദിയോ
ടൊത്തുംസത്യമിളച്ചിടാതെസകലം
സാധിച്ചുകൊണ്ടുംസദാ
മെത്തുംഭക്തിസമസ്തനാഥനിലുറ
ച്ചുള്ളത്രസർവത്രചെ
ന്നെത്തുംഭാരതചക്രവർത്തിയിവിടെ
ദ്ധർമ്മാത്മജന്മാവുതാൻ.

ദ്വേഷ്യത്തോടാർത്തടുത്തങ്ങരികുലമഖിലം
തച്ചുടച്ചുച്ചമാംത
ന്നീർഷ്യക്കെന്നുംശമംചേർത്തൊരുവിധമനിശം
ധർമ്മജാതാഢ്യനായി,
ഏഷ്യൽകാര്യങ്ങൾചിന്തിച്ചതുമഥസാ
ധിക്കുവാനൂക്കുകൂടും
റഷ്യൻചിന്തിച്ചുകണ്ടാലിഹരിപുപടലീ
ഭീമനാംഭീമനത്രെ.

ഉന്നംനോക്കിപ്രയോഗിച്ചരിബലനികരം
രംഹസാസംഹരിപ്പാ
നന്നന്നായുദ്യമിച്ചുംനിജമനസിസുഭ
ദ്രാപ്തിയാൽതൃപ്തിയാർന്നും
സന്നദ്ധത്വംകലർന്നീരണശിരസിവിള
ങ്ങുന്നജപ്പാനിനച്ചാ
ലിന്നത്യന്തംപുകഴ്ത്തീടിനപടുമതിയാം
സൽഗുണൻഫൽഗുനൻതാൻ.

സേവ്യാലംബംനിമിത്തംസപദിരിപുകുലം
കൊന്നൊടുക്കുന്നധീരൻ
സേവ്യാധീശൻസമർത്ഥൻശുഭമതിനകുലൻ
തന്നെയീസ്സംഗരത്തിൽ
നിർവ്യാജായോധനത്തിൻനിലകളറിയുവോൻ
ഭാസുരൻപ്രാൻസുനാഥൻ
ദുർവ്യാപാരങ്ങളില്ലാത്തൊരുഗുണിസഹദേ
വന്മഹാൻധർമ്മശീലൻ.

വെല്ലുംശത്രുക്കളെന്നായ്‍വരികിലുമലിവുൾ
ച്ചിന്തിടുംബന്ധുവർഗ്ഗം
ചൊല്ലുംമട്ടെന്നുമേറ്റംദൃഢതയൊടമരും
വീര്യവാൻശൌര്യശാലീ
കല്ലുംതോൽക്കുന്നഹൃത്താർന്നൊരുകൊടിയമഹാ
നായബെൽജീയഭൂപൻ
തെല്ലുംസന്ദേഹമില്ലിന്നിഹയുധിബത!പാ
ഞ്ചാലഭൂപാലനത്രെ.

കെണ്ടന്മാരായശത്രുക്കളെയഖിലമഹോ!
ഹന്ത!കുന്തപ്രയോഗം
കൊണ്ടമ്മാറാശുവീഴ്ത്തിപ്പടുതപരമുടൻ
കാട്ടിയുൾക്കട്ടിമൂലം
ഇണ്ടൽപ്പാടേതുമേലാതിഹപുകഴധികം
പൂണ്ടൊരിൻഡ്യൻഭടൌഘം
കുണ്ഠത്വംവിട്ടുപാർത്ഥാശ്രിതനൃപവരസ
മ്മാന്യമാംസൈന്യമത്രെ.

എന്നീവണ്ണമുരച്ചുകൊണ്ടുവിജയം
ബ്രിട്ടന്നുപെട്ടെന്നുതാൻ
വന്നീടാനഖിലേശനെപ്രതിദിനം
പ്രാർത്ഥിച്ചുപാർത്തട്ടിതിൽ
ചിന്നീടുന്നൊരുഭക്തിയോടുമരുവും
ലോകർക്കുലോകേശ്വരൻ
തന്നീടുംതരമോടഭീഷ്ട,മതിനാൽ
ചെമ്മേവരുമ്മേൽശുഭം