298. ഉപക്രിയാപദങ്ങൾ ഏവ?

അൎത്ഥത്തിൽ പ്രധാന ക്രിയയായുള്ളതു ഭൂതക്രിയാന്യൂനമായി തീൎന്നു, വിടുക, വെക്കുക, കളയുക, പോക, വരിക, കിടക്ക മുതലായവകൾകൊണ്ടു പൂൎണ്ണമായ്വന്നു, രണ്ടും കൂടി ഒരെ അൎത്ഥം ജനിപ്പിക്കുമ്പോൾ, വിടുക മുതലായവ ഉപക്രിയയെന്നുപറകയും ചെയ്യും.
ഉ-ം. കളഞ്ഞൂട്ടു (=കളഞ്ഞു വിട്ടു); ഇട്ടേച്ചു; (=ഇട്ടു വെച്ചു); പോയ്ക്കളഞ്ഞു; തീൎന്നു പോയി; വായിച്ചുവരുന്നു; എഴുതിക്കിടന്നു എന്നുള്ളവറ്റിൽ വിട്ടു വെച്ചു കളഞ്ഞു പോയി വരുന്നു കിടന്നു എന്നിവ ഉപക്രിയകളാകുന്നു.