257. പ്രഥമ എപ്പോഴെങ്കിലും ആശ്രിതമായും വരുമൊ?

സ്ഥലം, പ്രമാണം, കാലം, പ്രകാരം എന്നുള്ള അൎത്ഥങ്ങളോടെ പ്രഥമ ആശ്രിതമായും വരും.
i.) (സ്ഥലം.) സേനയെ നാലു ദിക്കും അയച്ചു എന്നതിൽ ദിക്കു എന്ന പ്രഥമ സ്ഥലപ്രയോഗത്തിൽ അയച്ചു എന്ന ക്രിയയെ ആശ്രയിച്ചു;
ii.) (പ്രമാണം.) പത്തു യോജന ചാടുവൻ; അരവിരൽ ആഴം മുറികിൽ.
iii.) (കാലം.) പകൽ കക്കുന്നവനെ രാത്രി കണ്ടാൽ.
iv.) (പ്രകാരം.) കരയും ഭാവം നിന്നാൻ.
ഇവറ്റോടു ഏ അവ്യയം പലപ്പോഴും ചേരുന്നു.
ഉ-ം. ദൂരമേ ചെന്നു.
പിന്നെ നിൎജ്ജീവനാമങ്ങളിൽ പ്രഥമ കൎമ്മാൎത്ഥമായും ആശ്രയിച്ചുവരും.
ഉ-ം. പശുക്കൾ പുല്ലു തിന്നുന്നു.