267. സപ്തമിയുടെ പ്രയോഗം എങ്ങിനെ?

സപ്തമിക്കു 1. ആധാരം, 2. സ്ഥലചേൎച്ച, 3. ഗമനം, 4. കാലം, 5. വിഷയം, 6. ഭയചിന്താദി, 7. താരതമ്യം, 8. അധികാരം, 9. പ്രകാരം, 10. നിൎദ്ധാരണം ഈ പത്തു പ്രയോഗങ്ങൾ പ്രമാണം.
1. ഉ-ം. (ആധാരം.) ചുമലിൽ അമ്മയെ എടുത്തു; പിഴയാതവങ്കൽ പിഴചുമത്തി;
2. (സ്ഥലചേൎച്ച.) ആഭരണങ്ങൾ മാറിൽ അണിഞ്ഞു; കതവിങ്കൽ നില്ക്ക;
3. (ഗമനം.) അവർ കോവിൽക്കൽ ചെന്നു; മണ്ണിൽ വീണു.
4. (കാലം.) ആദിയിങ്കലെ ഒഴിവു.
5. (വിഷയം.) മണ്ണിൽ മോഹം; ദീനരിൽ കൃപ.
6. (ഭയചിന്താദി.) പോരിൽ ഭയം;
7. (താരതമ്യം.) മുന്നേതിൽ ഏറ്റം തെളിഞ്ഞാർ; അതിൽ ഇതു നല്ലതു;
8. (അധികാരം.) എന്നിൽ ഉള്ള ദ്രവ്യം;
9. (പ്രകാരം.) തെളിവിൽ പാടി; കിണറ്റിൽ പന്നി;
10. (നിൎദ്ധാരണം.) വസ്തുവിങ്കൽ ഷൾഭാഗം.