263. ചതുൎത്ഥിയുടെ പ്രയോഗം എങ്ങിനെ?

ചതുൎത്ഥിക്കു 1. ഗമനം, 2. ദിഗ്ഭേദം, 3. കാലം, 4. പ്രമാണം, 5. തുല്യത, 6. അഭിപ്രായം, 7. യോഗ്യത, 8. ഉടമ, 9. ദാനം, 10. പ്രതികാരം, 11. കാരണം, 12. നിമിത്തം ൟ പന്ത്രണ്ടു പ്രയോഗങ്ങൾ പ്രധാനം.
1. ഉ-ം. (ഗമനം.) കോട്ടെക്കു, ചെന്നു; രാജ്യത്തിന്നു പോയി;
2. (ദിഗ്ഭേദം.) നദിക്കു കിഴക്കെ; വീട്ടിന്നു അങ്ങേ വശത്തു;
3. (കാലം.) നാഴികക്കു പത്തുകാതം ഓടും; എട്ടു മണിക്കു വാ;
4. (പ്രമാണം.) നെയ്ക്കു ഇരട്ടിപ്പാൽ;
5. (തുല്യത.) നിണക്കു സമൻ;
6. (അഭിപ്രായം.) ചൂതിന്നു തുനിഞ്ഞു;
7. (യോഗ്യത.) പനിക്കു നന്നു;
8. (ഉടമ.) അവനു, കിട്ടി; അവന്നു ദ്രവ്യം ഉണ്ടു;
9. (ദാനം.) അവൎക്കു കൊടുത്തു;
10. (പ്രതികാരം.) ശപിച്ചതിന്നു അങ്ങോട്ടു ശപിച്ചു;
11. (കാരണം.) ആ സംഗതിക്കു കുഴങ്ങി;
12. (നിമിത്തം.) പാരം പരിഹസിച്ചീടുന്നവൎക്കു നരകം ഉണ്ടു.