'ഇൻമെത്തോറിയ' മെന്നുതൊട്ടു വളരെ-
സ്സൽകാവ്യവർഗ്ഗങ്ങളെ-
സ്സമ്മോദേന ചമച്ച ഹൂണകവിവീ-
രാഗ്രേസരൻ ടെന്നിസൻ
ഇമെന്നിൽ ബഹുകീര്‍ത്തി നേടിയ മഹാ-
നൊക്റ്റോബരഞ്ചാംദിനം
ചെമ്മേ ഭൂതലവാസസൽ സുഖമഹോ!
കൈവിട്ടു മോദാന്വിതം. 1

അധികരസികനാമസ്സൽകവീന്ദ്രന്റെ കാവ്യാ-
മൃതമൊരുദിവസം തെല്ലാസ്വദിച്ചുള്ളൊരുത്തൻ
ക്ഷിതിയിലധിവസിക്കും കാലമെല്ലായ്പോഴും തൽ-
ക്കഥയതു നിരുപിക്കും സംശയം തെല്ലുമില്ല. 2

എൺപത്തിമൂന്നു വരിഷങ്ങൾ ധരാതലത്തിൽ
താൻ പാര്‍ത്തുതു സൗഖ്യമൊടതെങ്കിലുമുൾക്കുരുന്നിൽ
വൻപേറുമക്കവിവരന്റെ വിനാശമൂലം
ഗംഭീരതാപമുളവാം രസികര്‍ക്കശേഷം. 3