നമോ നിത്യമുക്തായ സംസാരചക്ര-
ഭ്രമവ്യാപൃതോദാരശക്തിക്രമായ
വിചിത്രപ്രഭാവായ വിജ്ഞാനസീമ്‍നേ
ഹരബ്രഹ്മണേ സച്ചിദാനന്ദധാമ്‍നേ.

നമശ്ശദ്ധവിജ്ഞാനവിസ്താരരീത്യാ
മഹാപഞ്ചഭൂതാദിമൂലാവലോക
തദന്താനുമാനൈകലഭ്യായ തസ്മൈ
പരബ്രഹ്മണേ നിർമ്മലജ്ഞാനഭൂമ്‍നേ.

നമഃ കുർമ്മഹേ ഹന്ത കസ്‍മൈചിദസ്‍മൈ
സ്വതഃസ്വാത്മനോ നാസ്തിതത്വാവബോധ
തദേകം പരബ്രഹ്മ കൈവല്യമേതേ
ഗതാസ്സച്ചിദാനന്ദധാമ ശ്രയാമഃ

നമോ വ്യോമ്നി വായൌ തഥാ ചിത്രഭാനൌ
ജലേ വാ സ്ഥലേ വാ കൃതവ്യാപനായ
പരബ്രഹ്മനാമ്‍നേ ത്രിധാമ്‍നേ മഹിമ്‍നേ
പരാശക്തിയുക്തായ കസ്‍മൈചിദസ്മൈ.

നമോനന്തശക്തിപ്രഭാവായ ഭൂയോ
ന ദേഹായ നോ ദേഹിനേ ജീവനേ വാ
പരന്തേഷു സർവ്വേഷു സംവിഷ്ടധാമ്‍നൈ
പരബ്രഹ്മനാമ്‍നൈസ്തു കസ്‍മചിദസ്‍മൈ;

നമോ നാമ കിം, കർമ്മ കിം, കോത്ര കർത്താ,
വയം സർവ്വഏതേസ്‍മ ഏകസ്വരൂപാഃ
വിഭിന്ന വികാരൈർയ്യഥാ ഹേമഭൂഷാ -
സ്തദാദ്യം പരം ര ത്വധാമ ശ്രയാമ?.

ന മോഹാദൃതേഽന്യൽ സ്വയം സാഹ്യവിദ്യാ
ന ബോധാദൃതേന്യച്ച സാ തത്വവിദ്യാ
പരം സ്വപ്നബോധക്രമോയം വികാരഃ
പ്രബുദ്ധാ വയം ബ്രഹ്മഭൂയം ചരാമഃ.

നമോമുച്യതേ വിച്യുതേ ദേഹബന്ധേ
സ്വസംസാരചക്രഭ്രമാദേഷലോകഃ
തതോ മോഹദുസ്സ്വപ്നഭംഗപ്രബോധാ
ദ്വിധായ ദ്രുതം ബ്രഹ്മഭൂയം വിശാമഃ.

ന മോക്ഷാഭിധം കിഞ്ചിദന്യൽ പരത്ര
സ്വബോധാദൃതേ വിദ്യതേ വസ്തുതോത്ര
ത‌തേ വയം വസ്തുതത്വം വിചാര്യ
പ്രബുദ്ധാഃ പരം ബ്രഹ്മഭൂയം ശ്രയാമഃ.